Дундговь аймгийн Орон нутгийн Өмчийн алба нь аймгийн ИТХ-ын Тэргүүлэгчдийн 2012 оны 01 дүгээр сарын 26-ны хуралдааны 12 тоот тогтоолоор Орон нутгийн өмчийн алба нэртэйгээр аймгийн ИТХ-ын дэргэд 4 орон тоотойгоор байгуулагдаж, албаны дүрмээ батлуулан ажиллаж байсан. Монгол Улсын Засгийн газрын 2016 оны 08 дугаар сарын 03-ны өдрийн 09 дүгээр тогтоол, Аймгийн Засаг даргын 2016 оны 10 дугаар сарын 21-ны өдрийн А/390 тоот захирамжаар аймгийн Орон нутгийн өмчийн алба нь Худалдан авах ажиллагааны албатай нэгдэн Орон нутгийн өмчийн газар болж өөрчлөн байгуулагдсан. Худалдан авах ажиллагааны газар шинээр байгуулагдсантай холбогдуулан гарсан Аймгийн Засаг даргын 2023 оны А/664 дүгээр захирамжаар Орон нутгийн өмчийн газрын бүтэц, орон тоог 6 албан хаагчтай байхаар баталсан.
